jou fees begin oor
285 Dae
Wat het jy op die hart?
@twitter.com/vryfees of www.facebook.com/vryfees
en wen!
Beskryf jou fees in 20 of minder karakters by ons twitter of facebook bladsye en staan 'n kans om feeskaartjies te wen!
Soek
 
Afrikaans  |  English
 
Facebook Twitter You Tube
Videos
  • Vryfees promo 2014

    Vryfees promo 2014

  • Feesterrein

    Feesterrein

    'n Video om die feesterrein en gebeure by Vryfees 2012 voor te stel.

Vryfees

 

Vryfees spog met nuwe organiseerder

Australiër in Ficksburg gebore

DIE Vryfees spog van 1 Oktober af met ’n nuwe organiseerder nadat Adri van Veijeren (née Herbert) ná agt jaar in dié pos uitgetree het.

Dr. Ricardo Peach, kulturele konsultant en bestuurder in die Australiese raad vir die kunste, kom in haar plek.

Peach is ’n Suid-Afrikaner wat sedert 11-jarige ouderdom in Australië woon nadat sy ouers daarheen geëmigreer het. Hy is ’n boorling van Ficksburg en praat Afrikaans steeds vlot.

Hy verlaat sy tuiste in Sydney om op 1 Oktober die pos as feesdirekteur van die Vryfees in Bloemfontein te aanvaar.

Annalize Doubell, voorsitter van die Vryfees-bestuurskomitee, sê dit is vir die fees ’n voorreg om ’n aanstelling van internasionale gehalte te doen. Die hoë gehalte van aansoeke vir die pos spreek van die huidige stand en groeipotensiaal van die fees, sê sy.

“Die fees is geldelik gesond met sterk lojaliteit van sy feesgangers, wat dit in die ideale posisie plaas om sy enorme potensiaal te ontwikkel.”

Peach is nou bestuurder van die kapasiteitsontwikkelingsprogram vir senior kunste­bestuurders in die Australiese raad vir die runste in Sydney. Hy is ook ’n onafhanklike kulturele konsultant.

As onafhanklike konsultant is hy sedert verlede jaar verantwoordelik vir die ontwikkeling van die Program vir Innovering in Kunsvormontwikkeling (Piko) van die Vryfees en die Universiteit van die Vrystaat (UV). Vanjaar het die program onder meer die standbeeldprojek op die fees, ’n kunstenaarslaboratorium in Richmond vir die ontwikkeling van nuwe kunsvorme, ’n forumgesprek op Naval Hill op Mandeladag en kunstenaarsinternskappe by die UV ingesluit.

In 2012 was Peach die waarnemende direkteur van die interdissiplinêre kunstekantoor van die Australiese raad vir die kunste. In dié rol het hy ’n nasionale eksperimentele kunssektorplan in Australië ontwikkel en in werking gestel.

Peach het in 2005 ’n doktorsgraad in menslike en sosiale wetenskappe aan die Sydney-Universiteit van Tegnologie behaal.

Sy tesis het oor kruiskulturele vergelykings tussen aspekte van die rolprentbedryf in Australië en Suid-Afrika gehandel.

Kunskalender

Geen items huidiglik beskikbaar

Kry nou kaartjies!

Kliek hier >>>
Adverteer jou gastehuis

Vryfees nooi graag enige belangstellende gastehuise in Bloemfontein om op ons webwerf te adverteer.

Jul inligting sal beskikbaar wees vir die publiek wat ons webwerf besoek en verblyf benodig tydens die feestyd.

Skakel gerus ons kantore by fees@volksblad.com vir meer inligting.

Feesborge

Vennote

Volksblad
UFS

Seniorborge

gesels saam op Twitter...